SIKU YA UKIMWI DUNIANI 2016 ILIVYOADHIMISHWA KATIKA KONGA YA KINONDONI JIJINI DAR ES SALAAM

uploaded 05/12/2016

Tarehe 1 Desemba ya kila mwaka huwa ni siku ya UKIMWI duniani, Nchi mbalimbali huadhimisha siku hiyo kwa ajili ya kuwakumbuka waliofariki kwa ugonjwa wa UKIMWI pamoja na kukumbashana kuendeleza mapambano dhini ya ugonjwa huu hatari ambao hadi hivi sasa hakuna tiba wala kinga iliyogundulika.
 
 
 
 
 
 
 
 
 
 
 
Pamoja na hayo katika siku hii, watu wote hukumbushwa kipima na kuzilinda afya zao bila kusahau kuwajali wale wanaoishi na maambukizo ya Virusi vya UKIMWI. Elimu madhubuti hutolewa jinsi ya kuishi ukiwa tayari Una maambukizo ya VVU kwani ukigundulika kuwa unamaambukizo ya VVU unatakiwa kuanza/ kuanzishiwa tiba mara moja na kusisitizwa kuto acha kunywa dawa za ARV kwa ajili ya kuvubaza na kupunguza makali ya VVU ili usifikie hatua ya UKIMWI ambayo ni hatari Zaidi.
 
 
Kuwa na Virusi vya UKIMWI siyo mwisho wa maisha kwani mtu aishiye na maambukizo ya VVU kwa kutumia dawa za ARV ataweza kuishi maisha marefu, kuwa na nguvu ambazo zitamsaidia kujikimu kimaisha kwa kuendelea kujishughulisha kwani mwili unakuwa na nguvu hivyo mtu huweza kuishi maisha marefu.
 
Katika jamii zetu kumekuwa na changamoto nyingi na mitazamo tofauti dhidi ya watu wanaoishi na VVU. 

Watu wanadhani kuwa ukiwa karibu na mtu anaeishi na VVU basi na wewe utaweza kupata maambukizo hayo. Elimu madhubuti bado inahitajika katika jamii zetu, ili kupinga unyanyapaa na matendo maovu wanayofanyiwa watu wanaoishi na VVU.
UKIMWI ni ugonjwa kama yalivyo magonjwa mengine ya Kansa, Presha, Malaria, Kipindupindu, n.k ambayo yasipotibiwa au kupewa angalizo la juu hupelekea kifo.
 
UKIMWI husambazwa kwa damu ya mtu mwenye Maambukizo kukutana na damu ya mtu asiyekuwa na maambukizo. Damu hiyo huweza kukutana kipindi watu wanapofanya ngono bila kutumia kinga (kondom), kushirikiana kutumia vifaa vyenye ncha kali na mtu mwenye VVU, mama mwenye VVU kwenda kwa mtoto (kipindi cha kujifungua au kumnyonyesha mtoto), pamoja na kuhamishiwa damu iliyokuwa na VVU. Hizo ndio njia kuu zinazoweza kusababisha maambukizo ya VVU toka kwa mtu mwenye VVU kwenda kwa mwingine.
 
Katika Wilaya ya Kinondoni, Konga ya Kinondoni iliyoanzishwa na BARAZA LA WATU WANAOISHI NA VIRUSI VYA UKIMWI (NACOPHA) iliadhimisha siku hiyo ya UKIMWI duniani katika viwanja vya Mwananyamala kwa Kutoa Elimu kwa jamii, Kupima na kugawa Kondom bure.
Maadhimisho hayo yenye kauli mbiu Tuungane Kutokomeza Maambukizo Mapya ya Virusi vya UKIMWI” yalihudhuliwa na Mwenyekiti wa Baraza la Watu wanaoishi na Virusi vya UKIMWI (NACOPHA) Ndugu Justine Mwinuka ambaye ndiye aliyekuwa Mgeni rasmi wa Maadhimisho hayo pia wadau mbalimbali wa UKIMWI katika Mkoa wa Dar es Salaam na Wananchi kwa pamoja walikuwepo kuadhimisha siku hiyo.

 
 
Mwenyekiti wa Baraza la Watu Wanaoishi na Virusi vya UKIMWI (NACOPHA) Ndugu Justine Mwinuka akinyoosha juu karatasi iliyoandikwa Rights + Access kama ishara ya kuadhimisha siku ya UKIMWI duniani "Hands up for #HIV prevention"
 
Mwenyekiti wa Baraza aliwataka wananchi kuondokana na dhana Potofu juu ya Ugonjwa wa UKIMWI na Kuacha vitendo viovu vya unyanyapaa dhidi ya watu wanaoishi na VVU. Pia alisistiza matumizi sahihi ya Dawa kwa wanaoishi na VVU, kutokuacha dawa kutokana na masuala ya Imani potofu pamoja na lugha rafiki kwa wahudumu wanaowahudumia watu wanaoishi na VVU katika vituo vya kuchukulia dawa.

Kutoka ofisi za NACOPHA, wafanyakazi wa Baraza nao waliungana na wadau wote duniani katika kuadhimisha siku ya UKIMWI Duniani kwa Kunyoosha juu Makaratasi meupe yaliyoandikwa ujumbe mbalimbali  wakiwa na ishara ya     "Hands up for #HIV Prevention" 
Vijana waliohudhuria maadhimisho ya Siku ya UKIMWI Duniani wakiwasha mishumaa kama ishara ya kuwakumbuka wale wote waliofariki kwa ugonjwa wa UKIMWI .
 
Maadhisho hayo yaliambatana na burudani mbalimbali zilizokuwa na elimu ya UKIMWI kutoka katika vikundi vya Sanaa. Kulikuwa na ngoma za asili, sarakasi, nyimbo, pamoja na mchezo wa asili wa kucheza na nyoka.

 Ngoma ya Asili ilivyokuwa ikiburudisha katika kuazimisha siku ya UKIMWI duniani  katika konga ya Kinondoni wilayani kinondoni Dar es Salaam Tanzania.

 
 
 Mmoja wa wacheza ngoma za asili akionesha uhodari wa kucheza na nyoka aina ya chatu alipokuwa akiburudisha wananchi waliohudhuria maadhimisho hayo ya siku ya UKIMWI Duniani katika Konga ya Kindondoni Jijini Dar es Salaam
 
 
 
 
  • COAT OF ARM
  • UNAIDS
  • USAID
  • TACAIDS
  • GLOBAL FUND
  • GNP


The National Council of People Living with HIV & AIDS in Tanzania (NACOPHA) Mbezi Beach Area, Block 'F' Plot no. 450/5 Mwai Kibaki Road, Kinondoni District, Dar es Salaam,Tanzania
Copyright © 2017 NATIONAL COUNCIL OF PEOPLE LIVING WITH HIV TANZANIA